Ирците се вадат за промената на планот за слетувањето на Шкупи наместо во Даблин на аеродромот во Шенон, по протестот на чаирчани за нефер однос од домаќинот Шемрок, а пред вечерашниот прв меч од претпоследното квалификациско коло за настап во Лигата на Европа.
Експедицијата на Шкупи наместо во Даблин, каде што од 21 часот и ќе се игра мечот на стадионот „Талат“, беше пренасочена да слета во Шенон, место одалечено од главниот град на Република Ирска точно 217 километри.
Веднаш соопштението беше пренесено и во ирските медиуми, а самоповикан да одговори не е Шемрок, туку новинарите на The42, што е малку и чудно и самобендисано.
„Прво гостите од Македонија наведоа дека слетале 300 километри од Даблин, што не е точно, бидејќи Шенон е поблиску од дистанцата што е наведена. Второ нема никако нефер однос од Република Ирска кон гостите бидејќи честопати во овој период има преголема френкфенција на аеродромот во Даблин, па Шемрок двапати леташе од Шенон, а Сент Патрикс двапати од аеродромот во Нок за гостувањата во европските купови во овој циклус. И Мура си замина во Словенија од Нок, па тие не се бунеа и не правеа драми со вакви драматични соопштенија“, пишуваат новинарите на The42.
Мечот се игра од 21 часот и е многу значаен бидејќи триумф во двомечот значи сигурно учество за победникот во Конференциската лига на УЕФА и останување и во трка за настап во фазата по групи во Лигата на Европа.
