Македонскиот репрезентативен голман Столе Димитриевски дефинитивно нема да се пресели од Рајо Ваљекано во Реал Мадрид затоа што резервниот голман на Кралскиот клуб, Андриј Лунин, одлучил да остане и да го одработи договорот до крај.
Во мај се појави информација дека Украинецот Лунин не е задоволен од минутажата во Реал, каде што неприкосновен број 1 е Тибо Куртоа, и дека сака да си замине. Но, сега еден месец подоцна, Лунин се премислил и сака да остане резервен голман во Реал.
Во шпанските медиуми се пишуваше дека ако си замине Лунин, Димитриевски е една од трите варијанти за кои размислува Реал да ги донесе во своите редови.
