Фудбалската федерација на Италија денеска го откри медицинскиот протокол за продолжување на сезоната, кое треба да биде дефинитивно потврдено на состанокот закажан за в четврток. Министерот за спорт Виченцо Спадафора беше конкретен и ги потенцираше двата датуми кои се во оптек за враќање на мечевите во Серија А.
„Работиме на два можни датуми за продолжување на сезоната, а тоа се 13 и 20 јуни. Протоколот за продолжување на првенството е познат и тој е сличен на протоколот кој се користи за тренинзите. Во четврток ќе ја донесеме конечната одлука“, рече министерот Спадафора.
Италија беше првата земја во Европа која настрада од Коронавирусот, но сега по речиси три месеци од стартот на пандемијата, ситуацијата во земјата се подобрува и се очекува да се даде „зелено светло“ за враќање на фудбалот.
