Еден англиски навивач неодамна неовластено влезе на стадионот на еден италијански прволигаш на необичен начин и сето тоа го сними и објави на „Тик-Ток“.
На „Њу Баланс Арена“ во Бергамо влезе многу лесно и ќе ги принуди луѓето од клубот да ги преиспитаат своите „тенки“ безбедносни протоколи.
Навивачот дојде до влезот наменет за клупскиот автобус и ја внесе годината на основање на клубот на тастатурата – 1907. На негово изненадување, портата веднаш се отвори и му дозволи да влезе.
„Еве нè на стадионот на Аталанта, со планините во позадина. Тука е влезот за клупскиот автобус. Кој би можел да биде кодот? Која година е основан клубот? 1907 година“, вели тој во камерата додека ги внесува броевите.
Смеејќи се откако портата ја прифати шифрата, тој иронично додаде: „Хмм, да. Супер обезбедување, нема проблем!“
После ова, се очекува безбедносните шифри на стадионот да бидат променети, а веројатно ќе се преземат и други мерки за стадионот да не биде „хотел промаја“.
Како изгледаше влегувањето на стадионот, погледнете ТУКА.
