Фудбалските репрезентативци на Малта утрово имаа прошетка низ центарот на градот и се запознаа со дел од историјата и културните знаменитости на Македонија. Тие прошетаа низ плоштадот Македонија, а најмногу беа воодушевени од големиот споменик „Воин на коњ“.
Освен спомениците, на плоштадот има и фонтана која е на шеталиштето, а денеска беше најактуелна во македонските медиуми. Многумина пренесоа дека камион пропаднал во фонтаната на плоштадот, но потоа се покажа дека веста е лажна, па фудбалерите на селекцијата на Малта останаа „разочарани“ затоа што не можеа да видат „светско чудо“, фонтана со камион, што денеска ја најавија многу медиуми кај нас.
