Македонецот со италијански пасош Никола Секулов од денеска е нов играч на Кремонезе. Тимот кој игра во италијанската Серија Б го промовираше новиот играч, кој дојде од тимот на Јувентус.
Секулов неколку години беше дел од гигантот Јувентус, но не се избори за место во сениорскиот состав и не заигра ниту на еден меч. Најмногу што стигна Секулов е настап во тимот на Јувентус за играчи до 23 години.
Овој 21-годишен играч играше за македонската репрезентација за играчи до 17 години, но потоа доби покана од селекцијата на Италија реши да го смени спортскиот пасош. Настапуваше за У17, У18 и У20 селекциите на Италија, но тука и заврши неговиот репрезентативен статус кај Аѕурите.
Benvenuto Nikola #Sekulov! ✍❤️
➡️ https://t.co/2siA2frbuo#ForzaGrigiorossi #DaiCremo #SerieBKT pic.twitter.com/dK3Y1LBwXe
— U.S. Cremonese (@USCremonese) July 15, 2023
