Мексико не успеа да се пласира во осминафиналето на Светското првенство иако оваа селекција во групата заврши со четири бода, исто колку и Полска, но европската селекција имаше за малку подобра гол-разлика.
По победата над Саудиска Арабија, селекторот на Мексико, Херардо Тата Мартино, рече дека тоа е крај на неговата работа во националниот тим.
„Јас сум одговорен за фрустрациите и разочарувањата. Многу сум тажен и ја преземам целата одговорност за овој голем неуспех. Договорот ми истече во истиот момент кога судијата означи крај на средбата“, рече Мартино по синоќешниот дуел.
Gerardo Martino is no longer @miseleccionmxEN head coach. “My contract ended as soon as the referee blew the whistle”.@FOXSoccer
— Rodolfo Landeros (@RodolfoLanderos) November 30, 2022
Мексико имаше водство од 2:0 против Саудиска Арабија, но мораше да постигне и трет гол за да стигне до второто место во групата. Наместо тоа, во последните моменти од дуелот, Саудиска Арабија даде гол и им стави крај на сите надежи на Мексиканците.
Мартино на селекторската позиција во Мексико дојде во јануари 2019 година, а тука завршува авантурата на аргентинскиот стратег.
