Репрезентациите на Италија и Грција ќе играат утревечер во првото коло на Европското првенство, дуел кој го има приматот на дерби. Фаворитската улога ја има Грција, но селекторот на Италија, Џанмарко Поцеко, секако дека нема да се предаде предвреме.
Поцеко е свесен дека најголемата опасност за неговиот тим доаѓа од НБА-ѕвездата Јанис Адетокумбо. На прашањето дали има специјална тактика како да го чува Јанис, Поцеко имаше духовит одговор.
„Имам добар пријател кој е снајперист и планираме да го сместиме на врвот од салата“, во шега рече селекторот на Италија.
View this post on Instagram
На овој одговор се насмевна и новинарот, кој го праша Поцеко каков пријател има, а селекторот на Италија продолжи со одговорот: „Најверојатно тоа ќе го направиме во првата четвртина за да не може да игра во втората, третата и четвртата четвртина. Тој мој пријател навистина е одличен снајперист. Тоа е единствената опција која ја имаме и која веќе ја договоривме со моите помошници и со играчите. Кога се работи за Јанис, нема друга опција. Незадржлив е во НБА-лигата, ќе биде незадржлив и на Европското првенство“, вели Поцеко.
