Аслан Карацев ја оствари можеби неговата најголема победа во тениската кариера, откако по три сета го елиминира Новак Ѓоковиќ со 7-5, 4-6, 6-4 во исцрпувачкото полуфинале кое траеше речиси три и пол часа на АТП турнирот во Белград. Моментално 28-от тенисер во светот му го уништи сонот на првиот светски рекет да ја освои третата титула во неговиот роден град, за која чекаше девет години.
https://twitter.com/TennisTV/status/1386029350622015489
Карацев брилјираше од самиот старт на мечот и откако поведе со 3-0 во гемови, му се зголеми самодовербата дека може да изненади. Ѓоковиќ возврати брејк и израмни на 4-4, но потоа загуби уште два сервиси по што Карацев поведе со 1-0 во сетови. Сенцазијата можеше да биде остварена по два сета, меѓутоа Новак со три брејка израмни на 1-1, но во решавачкиот сет потклекна во седмиот гел во кој Карацев направи нов брејк ја најави големата победа, иако Ѓоковиќ претходно спаси една меч-топка.
Карацев во финалето во Белград го чека подобриот од дуелот меѓу Таро Даниел и Матео Беретини.
https://twitter.com/atptour/status/1386000972007104514
