Сензационална информација од Шпанија е објавена за плановите на новата структура во спортскиот дел на Пари Сен Жермен, која планира итна продажба на Лионел Меси и на Нејмар.
За Бразилецот се претпоставуваше дека ќе си замине од ПСЖ, веројатно веќе ова лето, но сега сензација е дека намерата е и Меси да биде ослободен од обрвските кон клубот.
Инфромацијата ја објави „El Partidazo de Cope“, односно спортскиот програм на познатото шпанско радио „Кадена“.
https://twitter.com/partidazocope/status/1542625504204840960?s=20&t=Mysfj-KKdNbFz58SvxTsLA
Нејмар во рекорден трансфер од 222 милиони евра во 2017 година дојде во ПСЖ од Барселона, а Меси со кого Бразилецот играше во тандем во Барселона, лани дојде како слободен агент од редовите на шпанскиот гигант во клубот од Париз.
Објавено е дека новиот спортски советник во ПСЖ, Луис Кампос и неговите соработници добиле зелено светло од сопственикот на тимот, Насер Ал-Келаифи да го подмладат тимот.
