Вистинска бомба оддекна во Белград, а поранешниот европски кошаркарски првак Партизан и неговите симпатизери имаат многу пришини за радост.
Во клубот се врати најтрофејниот европски тренер Жељко Обрадовиќ по цели 28 години пауза. Со него како кормилар на клупата Партизан ја освои единствената титула во Евролигата во сезоната 1991/92.
Обрадовиќ има вкупно 9 шампионски круни со различни клубови во Евролигата и е апсолутен рекордер во тренерската фела.
Official: Zeljko Obradovic returns to Partizan, 30 years after his first ever coaching appearance! pic.twitter.com/8b7bnAwlVf
— vasiliki_karamouza (@karamouza_vas) June 25, 2021
Трофејниот кошаркарски стручњак потпиша тригодишен договор со Партизан, клуб за кој играше од 1984 до 1991 година, а потоа две години од 1991 до 1993 година му беше и тренер.
Официјалната промоција и кам-бекот на Обрадовиќ е закажан за в понеделник.
