Хрватските, но и светските медиуми пренесуваат дека хрватскиот второлигаш Кустошија го направи најголемиот трансфер во нивната историја. Тие ѝ продадоа фудбалер на Барселона за 5 милиони евра.
Се работи за репрезентативецот на Сенегал, Микаил Фаје, кој има само 19 години, но важи за еден од најголемите светски таленти на централната дефанзивна позиција. Во фудбалските кругови е познат под прекарот „чудовиштето“.
Интерес за неговите услуги имаше и од Борусија Дортмунд и од Челзи, но сепак тој се одлучи својата кариера да ја продолжи на „Камп ноу“.
Интересно, тој во Хрватска пристигна оваа сезона и само по една полусезона во Кустошија, го прави трансферот од соништата, а хрватскиот второлигаш си го обезбеди буџетот за следните неколку сезони. Тој во бележниците на скаутите влегол уште во 2019 година, кога со селекцијата на Сенегал до 17 години настапувал на Светското првенство.
🚨 EXCL: Barcelona are set to sign top talented centre back Mikayil Faye from NK Kustosija. Deal done, here we go. #FCB
Born in 2004, linked with Chelsea and BVB — Barça see Faye as a potential future top player. 🔵🔴
Deal agreed on €5m fee plus add-ons, to be signed soon. pic.twitter.com/BwcUvj4jiu
— Fabrizio Romano (@FabrizioRomano) June 11, 2023