Фудбалерите на Севиља со пресврт славеа со 3:2 над Еспањол во рамките на 33-тото коло во Ла Лига и се вклучија во трката за пласман во европските купови.
Севиља по првото полувреме губеше со 1:2, но со два гола во вториот дел, преку Луис Окампос од пенал во 69-тата минута, а потоа и преку Папе Геје на две минути до крајот, дојдоа со триумф кој ги искачи на десеттото место на табелата со 44 бода.
Шестиот Бетис има само пет бода предност од Севиља, додека Еспањол по поразот остана на претпоследното 19-то место на табелата со 31 освоен бод.
Важна победа во трката за пласман во европските купови обезбеди и Жирона, која со 2:1 ја совлада Мајорка. Жирона по победата дојде до седмото место со 47 бода, само два помалку од Бетис.
