Екипата на Шибеник не успеа да направи подвиг како Тетекс и Виган од 2013-тата година и во иста сезона да го освои националниот Куп, но и да испадне од првата лига. Екипата на Хајдук не дозоволи такво нешто и го доби финалето на “Рујевица“ со 2-0, со што го одбрани трофејот кој го освои и минатата сезона.
Сплитските бели славеа со погодоците на Дарио Мелњак во 62-рата минута и на Марко Ливаја во 95-тата минута и го освоија осмиот трофеј од Купот на Хрватска.
