Актуелниот шампион Шкендија ја затвори серијата пријателски натпревари на подготовките во Анталија со реми против Ордабаси од Казахстан (1-1).
Избраниците на Јетон Беќири први примија гол, откако Мејли го донесе водството за Ордабаси, но тетовци не се откажаа и во второто полувреме ја засилија офанзивата. Трпеливата игра конечно вроди со плод во финишот, кога Трумчи успеа да ја затресе мрежата за израмнување и конечни 1-1.
По овој натпревар, Шкендија се враќа во Македонија каде ќе ги заокружи подготовките пред стартот на пролетниот дел од сезоната 2025/26. Воедно, македонскиот првак го очекуваат и настапи на европската сцена во Конференциската лига, каде противник ќе им биде турскиот Самсунспор.
