Шкупи имаше експресно добар старт на натпреварот против Вардар во Струмица, воведен дуел од четвртото коло во Првата лига. Тимот од Чаир, кој оваа средба ја игра како домаќин на стадионот „Благој Истатов“, поведе по само осум секунди игра. Тоа е најбрзиот гол во Првата лига.
Долга топка доби Сухељ Мухарем, успеа да се избори со двајца одбранбени играчи на Вардар и голманот Давор Талески, ја упати топката кон голот, а Мислав Матиќ во обид да спаси си постигна автогол.
Во меѓувреме, Вардар веќе израмни, со голот на Димитар Данев во 16-тата минута.
