Словенецот Петар Стојановиќ е фудбалерот кој во Верона ќе го сонуваат уште долго време, ако тимот од градот на Ромео и Јулија испадне во Серија Б.
Стојановиќ со гол во 96-та минута му донесе реми од 1-1 на Емполи против Верона, и со тоа ја стави Верона на големи маки пред последното коло во италијанскиот шампионат. На Емполи мечот не му значеше многу, освен што сакаа да ја продолжат серијата без пораз, но за Верона три бода ќе значеа многу и голем чекор кон опстанок.
Вака, Верона која му гостува на Милан во последното коло, остана 18-та на табелата со ист број бодови како 17-тата Специја, па идниот викенд ќе сее решава кој од нив ќе испадне. Загрозен е и Лече, кој има два бода плус, но и еден меч помалку.
Ова е голот на Стојановиќ кој ја шокираше Верона.
