Трката за освојување на Златната топка останува меѓу 30 фудбалери, ѕвезди кои сигурно заслужуваат да бидат дел од најдобрите. Меѓу 30-те кандидати е и последниот освојувач на Златната топка, Лионел Меси, кој е и рекордер со шест вакви признанија.
Меси и сега е меѓу фаворитите за освојување на Златната топка, но со такво нешто не се сложува некогашниот француски репрезентативец, Патрис Евра. Некогашниот дефанзивец на Манчестер јунајтед вели дека Меси не направил ништо посебно за да ја освои главната награда.
„По мое мислење, Златната топка“ треба да му припадне на Канте или на Жоргињо. Мака ми е веќе од Меси. Што направи тој оваа година? Добро, ја освои Копа Америка, но што направи во дресот на Барселона?“, беше коментарот на Евра.
Нголо Канте воопшто го нема во Топ 30 за освојување на „Златната топка“, но тука е Жоргињо, кој секако е меѓу фаворитите заедно со Карим Бензема, Кристијано Роналдо, Роберт Левандовски и Меси.
🔴 OFFICIEL ! Les 3️⃣0️⃣ nommés pour le Ballon d’Or 2021. ✨ pic.twitter.com/fDJcxA8R8r
— Actu Foot (@ActuFoot_) October 8, 2021
