Ракометната репрезентација на Германија очекувано со победа го започна Европското првенство на кое е домаќин. Панцерите блеснаа на фудбалскиот стадион во Дизелдорф и приредија вистинска фешта за 53.000 гледачи и ја победија Швајцарија со убедливи 27:14.
Само во почетните неколку минути Швајцарија дада отпор кога резултатот беше 4:3. Потоа следуваше серија од 5:0 за Германија и домаќинот поведе со 9:3. Уште тогаш беше јасно дека нема да има диелма околу победникот, но за респект е одбраната што ја демонстираа Германците.
На полувреме се замина со 13:8 за Германија, а во второто полувреме буквално се распадна играта на Швајцарија. Беше 15:10, а потоа Германија со низа од 8:0 стигна до 23:10 во 54 минута. Неверојатно делуваше фактот дека Швајцарија во 24 минути од вториот дел постигна само два погодоци, па на крајот и не е за чудење разликата од 13 голови на крајот.
Германија е следен ривал на Македонија во групната фаза.
