Најдобриот светски тенисер Јаник Синер ја изненади јавноста со повторното вработување на Умберто Ферара, човекот чија небрежност речиси му ја загрози кариерата.
Најдобриот тенисер во светот во моментов и актуелен освојувач на Вимблдон повторно го ангажира Ферара, фитнес тренерот поради кого беше суспендиран три месеци.
За потсетување, Синер беше суспендиран три месеци на почетокот на оваа година поради скандал со допинг. Беше потврдено дека Италијанецот ја имал нелегалната супстанца клостебол во своето тело, која доаѓала од кремот на Ферара.
Ферара објасни како настанал скандалот. Тој вели дека во телото на Синер се нашол кремот Трофодермин, кој му го дал на вториот тренер на Синер, Џакомо Налди, и кој несмасно ја нанел на Синер.
„Претрпев сериозна штета на мојот личен и професионален углед. Со години го користам спрејот Трофодермин како дел од третманот на мојата хронична болест. Го препишуваат лекари, а знаев дека е забранет за спортисти, па го носев во мојата лична чанта со сите можни мерки на претпазливост за да спречам да дојде во контакт со играчите“, рече Ферара.
Потоа, тој го обвини својот колега Лука Налди за контаминација на Синер. Тој тврди дека не знае зошто Налди го масирал тенисерот со крем на неговите раце.
„Едноставно му предложив кремот да го користи затоа што имаше рана на раката што не заздравуваше. Му пречеше во работата и му ги објаснив импликациите. Му реков дека не може да дојде во контакт со Синер. Всушност, го натерав да го нанесе во бањата“, додава Ферара.
Потоа тој го откри своето незадоволство од колегата Налди, за кого вели дека ги добил сите потребни предупредувања.
Штом избувна скандалот, Синер ги отпушти Ферара и Налди, но по Вимблдон реши да ја рестартира соработката и на тој начин да го изненади тенискиот свет со ангажирање на Ферара.
