Најдобриот светски тенисер Јаник Синер се пласира во четвртото коло на Мастерсот во Синсинати, но не беше задоволен како играше против Габриел Диjало, против кого за малку ќе го загубеше вториот сет.
Синер победи со 6-2, 7-6, а во тајбрејкот во вториот сет, Дијало водеше со 6-5 и имаше сет-топка на свој сервис. Притиснат до ѕид, Синер во стилот на Новак Ѓоковиќ кој многупати го правел ова и освојувал клучни поени, изведе мајсторски ритерн и не дозволи да го загуби сетот.
“Are you joking???” 😱
Djokovician return from @janniksin when he needed it. #CincyTennis pic.twitter.com/vBWDPx21hb
— Tennis TV (@TennisTV) August 12, 2025
Синер не беше задоволен од својот сервис, па само што го напушти централниот терен во Синсинати, замина на еден од терените за тренинг и одработи сесија и сервираше околу 100 пати.
