Брони Џејмс го одигра најдобриот меч откако е дојден во развојната Г-лигата. Кошаркарот кој има договор со Лос Анџелес лејекрс, а е син на легендарниот Леброн Џејмс, сезонава одигра неколку меча за славнот НБА тим, но потоа беше прекомандуван во Саут беј лејкерс, тим кој се натпреварува во развојната лига.
Саут беј лејкерс славеше со 122:110 против Рип сити ремикс, а Брони блесна и го одигра мечот на кариерата. Синот на Леброн заврши со 31 поени погодувајќи 10/22 од поле, од кои 5/11 беа шутеви за три поени, а имаше и три скока, како и по две асистенции и освоени топки.
Брони го имаше и потегот на мечот кога во еден напад направи пробив и атрактивно со една рака ја заби топката во противничкиот кош и тоа додека центарот се обидуваше да го блокира.
BRONNY JAMES.
WITH AUTHORITY.
Dropped an @nbagleague career-high 31 tonight for the @SouthBayLakers!
— NBA (@NBA) January 25, 2025
Брони Џејмс пред почетокот на оваа сезона дојде во ЛА Лејкерс и тоа како 55-ти пик на НБА драфтот. Со неговото доаѓање се оствари сонот на Леброн да биде првиот во историјата на НБА кој успеал да заигра на еден меч заедно со неговиот син.
Чудно за пик кој е 55-ти на драфтот, Брони доби четиригодишен договор со Лејкерс и тоа за сума од 7,9 милиони долари. Сезонава на 11 меча играше за Лејкерс и за нешто повеќе од две минути поминати на терен е со просек од 0,3 поени, 0,2 скока и 0,3 асистенции.
