Манчестер сити продолжува перфектно во Премиер лигата, откако стигна до шестата победа во исто толку кола. Овојпат Граѓаните на свој терен беа подобри од Нотингем Форест со 2:0 и тоа благодарение на погодоци постигнати во почетните 15 минути од средбата.
Фил Фоден погоди во 7 минута по асистенција на Кајл Вокер, а седум минути подоцна на гол се израдува и Ерлинг Халанд. Во продолжение на дуелот, фаворитот ја контролираше играта и резултатот и на крајот стигна до посакуваната победа.
Погдокот што го даде Фоден ќе се памти затоа што домашните фудбалери успеаа да направат неверојатни 46 додавања, за да на крајот биде затресена мрежата на гостите.
Откако во 2006 година започна да се води ОПТА статистика, само голот на Насер Чадли за Тотенхем против КПР во август 2014 година бил даден по повеќе додавња (48 додавања).
46 – There were 46 passes in the build up to Phil Foden’s opener against Nottingham Forest, the second longest passing sequence leading to a Premier League goal on record (since 2006-07), after Nacer Chadli’s strike for Spurs v QPR in August 2014 (48 passes). Art. pic.twitter.com/fmGQW8oEmB
— OptaJoe (@OptaJoe) September 23, 2023
Во останатите два меча кои се одиграа попладнево, Кристал Палас и Фулам ремизираа без голови, додека Лутон и Вулверхемптон одиграа со резултат 1:1.