Манчестер сити му нуди спас на Лионел Меси од хаотичната ситуација во Барселона, иако и кај нив атмосферата по третата по ред елиминација во Лигата на шампионите не е најсјајна.
Меси е незадоволен од состојбата во Барселона, особено по дебаклот од 2:8 против Баерн во четвртфиналето на Лигата на шампионите, а долго време се шпекулира дека е можен трансфер во Интер.
Сега се приклучи и Манчестер сити, според пишувањата на каталонските медиуми, а повторни би се споила добитната комбинација со Пеп Гвардиола што освои два пехари во Лигата на шампионите, или вкупно 14 трофеи во различни конкуренции за четири сезони.
Каталонските медиуми објавија и дека се подготвува комплетен ремонт во Барселона и дека веќе постои и трансфер-листа со дури 17 играчи кои можат да си заминат.
Се најавува дека на неа има и звучни имиња од калибарот на Луис Суарес, Жорди Алба, Иван Ракитиќ, Осман Дембеле, Умтити….
Барселона наскоро треба и да го објави името на новиот тренер, што ќе го замени Кике Сетиен, кој доби отказ по лисабонската хаварија што и се случи на каталонската гордост.
Во комбинација за нов тренер се Покетино, Куман, Алегри и Анри.
