Освојувачот на Златната топка, Родри, и Манчестер сити имаат договор до летото 2027 година, па „граѓаните“ се во опасност да влезат во неизвесност доколку не го продолжат неговиот договор. Ваквите информации од редовите на Манчестер сити доаѓаат во ек на се погласни шпекулации дека Реал Мадрид е подготвен да тргне потписот на Родри, дури и да чека неговиот договор да истече.
Планот на Манчестер сити е значително да ја зголеми платата на Родри и тој да биде вториот најплатен фудбалер во екипата по Ерлинг Халанд, но и убедливо најплатениот фудбалер од средниот ред во Европа.
Понудата ќе значи зголемување на неговата плата од 180.000 фунти неделно на 300.000 фунти неделно, а договорот со важност до 2029 година.
