Дисциплинската комисија на Ла Лига ја одреди казната за Винисиус, за удирањето на македонскиот голман, Столе Димитриевски, на мечот Валенсија – Реал Мадрид, кога бразилскиот интернационалец заработи директен црвен картон.
Бразилецот ќе паузира два натпревари, но суспензијата нема да важи за натпреварите од Супер купот и ќе мора да ја одлежи на следните два натпревари од Ла Лига, против Лас Палмас и Ваљадолид. И покрај минималната казна, од Реал Мадрид најавија жалба за оваа одлука и ќе бараат намалување или комплетно укинување, бидејќи според нив, Столе Димитриевски го испровоцирал инцидентот.
Освен суспензијата од два натпревари, Винисиус ќе мора да плати и 600 евра казна за црвениот картон, додека Реал Мадрид е казнет со 700 евра за протестите од клупата.
