Селекторот на словенечката репрезентација, Матјаж Кек, им честиташе на своите играчи за нерешениот резултат против Данска на ЕВРО 2024, и се пофали дека бил еден од ретките кои верувале во овој составв.
„Не ми верувавте кога велев дека овие играчи се посебни. На почеток некои играчи беа малку обземени од атмосферата, 24 години не сме играле на ЕП. Голот на Јанжа беше награда за тоа што момците дадоа максимум на теренот. Го заслуживме бодот. Им благодарам на навивачите за атмосферата, тие ни помогнаа да бидеме уште подобри по примениот гол“, кажа Кек.
