Предводникот на Словенија, Матјаж Кек, е реален и признава дека неговата репрезентација не ни заслужила да победи, па затоа освоениот бод е добар за домаќините.
„Интересен меч со многу динамика. Не одигравме доволно добро за да победиме. Македонија покажа квалитет и заслужено стигна до бод. Ова е најреален резултат, а ние не можеме да бидеме задоволни со тоа како ги отворивме квалификациите“, рече Кек по дуелот во Љубљана, што е петто реми на Словенија во низа.
