Некогашниот лев бек на Реал Мадрид, Раул Браво, кој имаше чест да биде соиграч со ѕвезди како Зидан, Фиго, Бекам, Роберто Карлос, Раул, во април ќе полни 41 година, а денеска потпиша договор со еден нисколигаш.
Браво во 2002 ја освои Лигата на шампионите со Реал, а во последните години беше спомнуван во корупциски скандал околу местење мечеви и заврши со затвор. Го обвинуваа и дека стои зад обидот за убиство на Дарко Ковачевиќ, со кого играа заедно во Олимпијакос од 2007 до 2009 година. Шпанецот ги негираше овие обвинувања и ги нарече измислени.
Браво имаше фудбалска пауза од пет години, а сега одлучи да му се врати на фудбалот. Потпиша за клубот Бениопа.