Марио Младеновски, Александар Трајковски и Стефан Спировски нема да играат против Израел поради повреди што ги „заработија“ на мечот против Австрија, но добра вест за нашата селекција е што во редовите се враќаат стандардните првотимци Илија Несторовски, Бобан Николов и Висар Муслиу.
Трилингот ја одлежа суспензијата поради жолти картони и може да игра во последниот квалификациски меч за нас, утре од 20.45 часот во Скопје против Израелците.
Речиси сигурно е и дека Горан Пандев ќе биде подготвен за настап откако ги пропушти Австријците поради висока температура.
Од претходно се знаеше дека и за овој меч како и против Австрија не можат да настапат: Адеми, Тричковски, Бејтулаи, Алиоски, Радески, Дориев и Стоилов, кои се повредени.
