Аманда Анисимова, иако со победата над Арина Сабаленка во полуфиналето избори историско прво финале на Вимблдон, сепак нема да го памети како што го замислуваше.
Во денешната борба за титулата, таа беше поразена од Ига Швјонтек со убедливи 0-6, 0-6, резултат што не се случил во финале на Вимблдон уште од 1911 година.
По мечот, видливо емотивна и со солзи во очите, Анисимова се обрати до публиката и до противничката.
„Ти благодарам, Ига. Ти си неверојатна тенисерка и тоа денес се виде. Ме инспирираше. Имаше фантастични две недели, и оваа титула е посебна за тебе. Честитки и за твојот тим.
Благодарност до сите што ме поддржуваа од првиот меч. Атмосферата беше неверојатна и ме носеше низ целиот турнир. За мене беа две прекрасни недели. За жал, останав без енергија во финалето и сакав да ви приредам подобар натпревар, затоа што бевте тука за мене. Ви благодарам од срце.
Благодарам и на целата организација. Вистинска чест е да се игра на Вимблдон и да се бори за титула. Ова е незаборавно искуство.
It wasn't the day Amanda Anisimova dreamed of, but she spoke with class and grace as she thanked her team and in particular her mum for being there 💚💜#Wimbledon pic.twitter.com/T2dUThqq1Q
— Wimbledon (@Wimbledon) July 12, 2025
До мојот мал, но посветен тим. Бевте секогаш покрај мене. Без вашата поддршка немаше да стигнам до тука. Ми дадовте дополнителна мотивација и верувавте во мене. А тука е и мојата мајка, која пристигна утринава само за финалето…“
Во тој момент, Анисимова се расплака, а погледот кон мајка ѝ ја преплави со емоции:
„Мајка ми вложи повеќе труд од мене, искрено. Таа е најнесебичната личност што ја познавам. Ми даде безрезервна поддршка во животот. Ти благодарам што беше тука. Не изгубив поради тоа. Многу ни помогна и мене и на мојата сестра. Те сакам бескрајно.
Уживам во процесот, ви благодарам на мојот тим за сè што правите за мене. Ве сакам сите, тоа веќе го знаете“, заврши Анисимова.
