Во пријателски натпревар одигран во Сеул пред 64.000 гледачи, Тотенхем и Њукасл одиграа 1-1. Бренан Џонсон во четвртата минута и Харви Барнс во 38-та минута беа стрелци во првото полувреме, но мечот ќе остане запаметен повеќе по емотивното збогување на Хјонг-Мин Сон со клубот и сериозната повреда на Џејмс Медисон.
Сон, кој вчера официјално потврди дека го напушта Тотенхем по 10 години, започна како капитен и стартер, во можеби својот последен настап за Тотенхем. На голот беше Антонин Кински, додека Викарио остана на клупата. Кај Њукасл, поради отсуство на Александар Исак, кој сè уште тренира одделно поради потенцијален трансфер во Ливерпул, Еди Хау реши да започне без класичен напаѓач, а улогата ја презеде Ентони Гордон.
We're not crying, you are 🥹
— CBS Sports Golazo ⚽️ (@CBSSportsGolazo) August 3, 2025
Heung-Min Son waves goodbye to Tottenham Hotspur after an incredible 10 years with the club 🤍 pic.twitter.com/co4oBSPkQt
Во 66-тата минута, Хјонг-Мин Сон беше заменет и играчите од двата тима му направија шпалир додека го напушташе теренот во солзи, неверојатно емотивен момент за Јужнокореецот.
Најнепријатниот момент дојде во 86-тата минута, кога Џејмс Медисон заработи тешка повреда без контакт со противнички играч. Тој беше изнесен на носилки и видливо чувствуваше силна болка, загрижувачка ситуација со оглед на тоа што неодамна се врати од претходна повреда.
HEARTBREAK for James Maddison, who is forced off the pitch on a stretcher after just returning from injury for Spurs 🤕
— CBS Sports Golazo ⚽️ (@CBSSportsGolazo) August 3, 2025
Get well soon James ❤️ pic.twitter.com/r1JcVcKtSn
