Фудбалерите на Ливерпул стигнаа до првиот трофеј сезонава откако во финалето на Лига купот, дури по подобро изведување на пеналите, го победија Челзи. Финалето традиционално се играше на „Вембли“ во Лондон, а на крајот дури по 11 изведени серии од пенал-рулетот, се радуваа играчите во црвени дресови.
На традиционалното доделување на медалите и пехарот за победникот се случи една невообичаена работа. Трофејот за победникот во еден момент заврши во рацете на непознато дете. На многумина им беше нејасно како успеа детето да се најде во ложата меѓу играчите на Ливерпул.
„Имав модринка на окото и тоа Алосон го забележа додека поминуваше покрај мене. Ме праша како сум се повредил, а јас му реков дека се удрив додека играв фудбал. Додека зборувавме, тој само ме крена и ме однесе со остатокот од екипата. Искрено, чувството беше буквално како да сум дел од играчите на Ливерпул. Едноставно, сакав да го подигнам трофејот, а кога Алосон ме зеде со него, знаев дека тоа ќе се случи. Чувството е неверојатно“, открива момчето кое имаше шанса што ја имаат мал број навивачи во светот.
