Феникс санс планира да го раскине договорот со олстар-бекот Крис Пол, објави новинарот на телевизијата Ти-ен-ти, Крис Хајнс.
Сонцата со отпуштањето на Пол планираат да заштедат голема сума пари бидејќи според актуелениот договор, кошаркарот за идната сезона треба да добие 30,8 милиони долари, а иста сума и за сезоната 2024/25.
BREAKING: The Suns are waiving Chris Paul, per @ChrisBHaynes pic.twitter.com/udDxTNdBY9
— NBACentral (@TheNBACentral) June 7, 2023
Тие планираат да го отпуштат Пол до 28 јуни и со тоа да ја активираат клаузулата според која се должни да му платат само 15 милиони долари за следната сезона, а ќе се обидат повторно да потпишат договор со него.
Доколку успеат во таа намера, Сонцата тие 15 милиони долари би му ги исплаќале на Пол во наредните неколку сезони и со тоа ќе направат простор во „селари капот“ за да можат да ги задржат останатите големи ѕвезди во тимот, Кевин Дурант, Девин Букер и Деандре Ајтон.
Доколку не најдат заеднички јазик, постои опција Феникс да го размени Пол, и тоа во една од екипите од Лос Анџелес кои пројавуваат интерес за неговите услуги иако има 38 години.
