Лучијано Спалети му се спротивставил на Едо де Лаурентис, кој е потпретседател на Наполи, а кавгата се обиде да ја сокрие клубот по поразот од Емполи, што ги урна шансите за титулата.
Семејството Лаурентис, предводено од главните алки, Аурелио и Едо сакале реприза од 2019 година и сите играчи и стручниот штаб да одат во карантин од денеска, но се спротивставил тренерот Спалети, па мерките се помеки и нема да има изолација во хотел.
Истото сценарио на Наполи му се случи во финшот на 2019 година, кога семејството Лаурентис, во чија сопственост е клубот одлучи да има целосен карантин, а играчите и тогашниот тренер Карло Анчелоти се побунија.
Скандалот се влечеше до крајот на годината, а настрада тренерот и беше сменет. Сега се репризира целата ситуација, а се најавува дека ќе биде сменет Спалети и главен кандидат за неговата позиција е Џанпјеро Гасперини, човекот што го создаде италијанското чудо, Аталанта.
Spalletti-De Laurentiis, i motivi della rottura. E rispunta Gasperini #napoli #calciomercato https://t.co/WAoDLfSNww
— La Gazzetta dello Sport (@Gazzetta_it) April 26, 2022
„Газета дело спорт“ објави дека Наполитанците сакаат да го ангажираат Гасперини, а кандидати се уште и Роберто де Ѕерби и Винченцо Италијано.
Спалети има договор на уште една сезона со Наполи и ако добие отказ клубот ќе мора да му плати отштета од 6 милиони евра.
