Женската ракометна репрезентација на Србија го потврди пласманот на Светското првенство откако пред своите гледачи во Белград по вторпат ја совлада Турција. Првиот меч од баражот за пласман на СП заврши со триумф од 33:24, а вечерва српските ракометарки славеа со 33:25.
Со победа од репрезентацијата на Србија се простија Јована Стоиљковиќ, Кристина Лишчевиќ, Јелена Лавко, Кристина Граовац и Тамара Радојевиќ.
https://twitter.com/rssrbije/status/1646185568793944065?s=20
Денеска пласманот на СП го заверија и Германија, која повторно беше подобра од Грција (36:20), Словенија, која ја совлада Италија со 33:21, Хрватска, која беше подобра од Словачка 31:18, како и Унгарија, која 34:28 го победи Исланд.
Светското првенство во женска конкуренција ќе се одржи од 29 ноември до 17 декември во Шведска, Данска и Норвешка.
