Шкупи и Тиквеш одиграа 0-0 во првиот натпревар од полуфиналето на фудбалскиот Куп на Македонија, па реваншот во Кавадарци на 17 април ќе биде одлучувачки кој од овие два тима ќе биде финалист.
Попладнево на „Чаир“, продолжи традицијата Шкупи и Тиквеш да ремизираат кога играат меѓу себе. Ова е четврти нерешен дуел по ред во нивните пресметки, а три од тие четири меча завршија со најнепопуларните 0-0. Ист ваков исход на стадионот „Чаир“ имаше и пред еден месец во првенството.
Во другото полуфинале, Воска спорт и Македонија Ѓорче Петров утре го играат својот прв дуел.
