Рахим Стерлинг со голот кој го постигна во ремито на Челзи против Салцбург од 1-1 стана првиот фудбалер кој дал голови во ЛШ во дресовите на три англиски екипи. Стерлинг почна со Ливерпул, продолжи во Манчестер сити, сега погодува и за Челзи.
Јувентус загуби дома од Бенфика со 1-2, иако Старата дама поведе со 1-0. По две кола, Јуве нема ниту еден бод и му се заканува опасност од преселба во Лигата на Европа или целосно испаѓање од европските купови ако во следните две кола не го победи Макаби Хаифа.
Макаби сепак немаше сили за сензација против ПСЖ. Израелците водеа со 1-0, им беше поништен гол за 2-0 и тука застанаа. Меси, Мбапе и Нејмар погодија по еднаш.
Наполи со 3-0 славеше во Глазгов против Ренџерс, а Елиф Елмас влезе во игра во 90-тата минута при 2-0. Претходно, при 0-0, Зјелински утна два пенали.
Европскиот првак Реал Мадрид и кога не игра којзнае колку добро, знае да победува, дури и без Карим Бензема во составот. Совладан е Лајпциг со 2-0 со голови на Валверде и Асенсио во последните десет минути од мечот.
Реал сезонава знае само за победи, а особено се опасни во вторите полувремиња. Кралскиот клуб од 22-та гола, 16 даде во вторите полувремиња, а нема ниту еден примен гол во второ полувреме, сите примени погодоци им се во првите 45 минути.
Голови немаше само на дуелот Копенхаген – Севилја.
