Челзи и официјално ги договори личните услови со Рахим Стерлинг и англискиот репрезентативец во следната сезона треба да го носи дресот на лондонскиот тим. Според најавите, Стерлинг ќе биде најскапоплатениот фудбалер во историјата на клубот и ќе заработува 300.000 фунти на неделно ниво. Оваа сума никогаш не ја добивала ниту една од ѕвездите кои поминале во тимот од „Стемфорд бриџ“.
Стерлинг кариерата ја почна во Ливерпул, а по три сезони направи трансфер во Манчестер сити. Со Граѓаните одигра седум сезони, освои четири титули, а сега е подготвен за нов предизвик наречен Челзи.
