Валенсија по ремито против Реал Сосиедад и поразот од Осасуна, конечно дојде и до првата победа во новата сезона на шпанската Ла Лига. „Лилјаците“ со 3-0 славеа на домашен терен над Хетафе, а Столе Димитриевски повторно остана на клупата за резерви.
Македонскиот голман последниот официјален настап го имаше во јуни, кога бранеше на двата натпревари за репрезентацијата, додека на клупски план нема одиграно ни минута од шестти февруари и поразот од Барселона со 0-5 во Купот на Шпанија.
