Младинскиот репрезентативец на Италија со македонско потекло, Никола Секулов, во следната сезона би можел да игра во италијанската Серија Б и тоа во дресот на Кремонезе.
Клубот кој сезонава испадна од прва во втора лига, се интересира за 21-годишниот Секулов кој е член на младинскиот состав на Јувентус, тим кој се натпреварува во Серија Ц и од Старата дама побарал да го добие Никола на позајмица.
Секулов е роден во Италија, неговите родители се Македонци, а тој слично како и Швеѓанецот со охридско потекло, Дејан Кулушевски, до 17 години играше за младинските селекции на Македонија, но потоа се одлучи за родната земја.
