Мајсторски одигран тикет беше уплатен во Струмица, на кој само со 300 денари влог, добивката е 170.959 денари. На тикетот има девет меча со интересни комбинации.
Ретко кој игра дека првиот гол на мечот ќе биде постигнат во период од 30-тата до 90-тата минута, а на овој тикет погодени се три такви средби. Интересно беше на дуелот Текстилец – Партизан, каде што требаше првиот гол да падне од 30-тата до 90-тата минута, а пенал за гостите беше досуден токму во 30-тата минута.
На пет меча погодени се победи на домаќините, а на ПАОК – Астерас не смееше да има повеќе од два гола, а на крајот домаќинот славеше со 2:0. На крајот погоден е вкупен коефициент од 670, па одлична е добивката за овој обложувач.
