Торино може да жали што не ги освои трите бода во дуелот со Интер затоа што домаќинот прими гол во 93-тата минута и средбата заврши 1:1. Алексис Санчес погоди за Интер и го спаси шампионот од пораз.
Освен голот на Санчес, за гостите спасувачка беше и одлуката на главниот судија Марко Гвида да не досуди пенал за Торино. Во првото полувреме, Андреа Ранокија го удри Андреа Белоти по ногата, и тоа во моментот кога голметерот на Торино се подготвуваше да шутира.
Главниот судија, но и арбитрите во ВАР-собата не утврдија дека стартот на Ранокија е за пенал.
Челниците на Торино се лути поради ваквата одлука на судиите, а спортскиот директор на овој клуб, Давиде Вагнати, откри кое било објаснувањето на судијата зошто не гледал повторена снимка.
„Ако никој не ми јави од ВАР-собата да ја погледнам снимката, значи дека сум донел исправна одлука“, биле зборовите на судијата Марко Гвида.
