Романската судиска организација го суспендираше арбитарот Октавијан Сорве кој побара автограм од Ерлинг Халанд по завршување на дуелот Манчестер сити – Борусија Дортмунд. Сорве беше помошник судија на тој дуел, а по завршување на мечот, камерите забележаа како трча по Халанд да бара негов автограм.
Ваквиот потег на судијата наиде на многу критики, посебно од челниците на УЕФА. Некогашниот познат италијански судија, а сега член од судискиот совет на УЕФА, Роберто Росети упати остри критики кон Сорве. Според Росети, судијата никако не смеел да побара автограм пред очите на сите останати фудбалери и во присуство на камерите кои го пренесоа целиот тој потег.
Сорве објасни дека автограмите кои ги земал од Халанд биле за да ги испрати на аукција, а соберените пари да да ги донира за помош на деца со аутизам. И покрај хуманата мисија на судијата, УЕФА и романската судиска организација сепак решија дека арбитарот треба да е суспендиран.
