Серхио Рамос на 15-ти јуни во Севилја ќе прави прослава по повод свадбената церемонија со девојката Пилар Рубио, со која имаат три деца, а на веселбата во чест на фудбалерот и водителката ќе свири барем еден американски рок-бенд.
Покани да свират добиле легендарните Аеросмит и AC/DC, а фаворит е Аеросмит.
Венчавката ќе се одржи во катедралата во Севилја, а потоа приемот на гостите и прославата ќе биде на еден ранч на Рамос. Свадбата ќе биде настан на кој приватноста ќе биде голема. На гостите ќе им биде забрането да носат мобилни телефони или камери, па и младоженците и гостите ќе можат да уживаат и ќе бидат единствените сведоци.
