Репрезентативецот на Канада, Алфонсо Дејвис, летото 2025 година ќе биде слободен фудбалер бидејќи и официјално преговорите за нов договор со Баерн Минхен се прекинати. Фудбалерот барал плата од 14 милиони евра годишно, што е премногу дури и за Баварците. Сепак, Баерн нема да го пушти да си оди како слободен фудбалер и ќе се обиде налето да заработи од неговиот трансфер.
Дејвис, кој има потекло од Либерија, во моментов вреди 70 милиони евра и според шпекулациите, изминатите месеци беше поврзуван со трансфер во Реал Мадрид, а Флорентино Перес сметаше дека ќе донесе квалитетен лев бек. Сепак, во последен момент во трката по потписот на репрезентативецот на Канада се вклучи и Манчестер сити, па сега токму Граѓаните се фаворити за ангажманот на Алфонсо Дејвис, во кого Пеп Гвардиола гледа идеално решение за левата бековска позиција.
