Мајами хит го победи Чикаго булс со 109-90, а Далас маверикс беше подобар од Сакраменто кингс со 120-106 во дуелите од плејин-разигрувањето во НБА-лигата, по кои стана јасно дека Жешките и Дивите телиња ќе имаат уште една шанса за да влезат во плејофот, а за Кралевите и Биковите сезонава е завршена.
Мајами ќе игра со Атланта, а Далас со Мемфис. Победниците одат во плејофот и ќе играат против првите носители Кливленд (Мајами или Атланта) и Оклахома сити (Далас или Мемфис).
Ентони Дејвис со 27 и Клеј Томпсон со 23 поени беа најзаслужни за победата на Далас. Томпсон даде 16 поени во клучната трета четвртина и на некој начин му се реваншираше на Сакраменто за елиминацијата во минатата сезона кога шутерот играше за Голден стејт и не даде ниеден кош на тој плејин-меч.
Херојот кој му ја донесе победата на Мајами во Чикаго беше кошаркарот чие презиме значи херој, тоа е Тајлер Хиро. Хиро со 38 поени, од кои 23 во првото полувреме, кога не примаши ниту еден шут, беше најзаслужен што Мајами трета сезона по ред ги елиминира Булс.
