Двата меча на Египет досега на Африканскиот куп на нации, беа како пресликани, минимални победи со победнички голови на Мохамед Салах, и празни трибини на почеток, а полни на крај на средбите.
Имаше слаба посета на мечот Египет – Јужна Африка, па организаторите решија да ги отворат вратите околу 20-та минута. До полувреме трибините беа солидно пополнети, а на крај беа и речиси преполни.
Мароканците како домаќини сакаат да обезбедат најдобра можна атмосфера и полни стадиони со цел да изградат позитивна репутација пред Светското првенство во 2030 година, кое Мароко ќе го организира заедно со Шпанија и Португалија.
