Џое Инглс ја заврши импресивната серија од 418 натпревари на кои настапи по ред од 16.декември 2015 година, а повредата на ахиловата тетива не му дозволи да биде на паркетот ноќеска против Милвоки бакс.
Челичниот џезер од Јута имаше одличен серијал настапи без прекин во последните пет и нешто повеќе години, што до ноќеска беше и најдолгата активна серија во НБА лигата.
Јута успеа да го победи Милвоки како гостин со 131:118 во ноќ во која беше ставен крај на најдолгата активна серија на натпревари на Џое Инглс.
Сезонава Инглс бележеше по 10 поени во просек, што е солидно за резерва и коашаркар на 33 години. Апсолутниот рекорд без прекин го држи легендата на Лос Анџелес лејкерс, Еј-Си Грин со неверојатни 1.192 меча одиграни по ред.
Инглс сега му ја предаде палката на Кори Џозеф, бекот на Сакраменто, кој има одиграно 272 натпревари без прекин во НБА лигата.