Новото натпреварување на ФИФА, Светското клупско првенство во САД, кое започнува во сабота, им направи големи проблеми не само на клубовите туку и на раководствата на домашните првенства. Критиките пристигнуваат од сите страни, а и претседателот на Ла Лига, Хавиер Тебас, распали по ФИФА и најави дека Реал и Атлетико ќе започнат подоцна со настапите во домашното првенство.
„Веќе има спор околу тоа кога Реал Мадрид и Атлетико ќе ја започнат Ла Лигата, што го нарушува вообичаениот фудбалски распоред и ни штети на среден рок. Одлуката дали Реал и Атлетико ќе ја започнат сезоната во Шпанија подоцна, за да се одморат, не е само моја. Таа ќе биде донесена навремено. Но, не може постојано да мораме да го менуваме нашиот распоред поради други натпреварувања кои не ни се приоритет. Тоа е целосно апсурдно. Не се консултирале со нас за датумите, не се консултирале со нас за ништо. Она што го прават е попречување на сезоната во Шпанија ако големи клубови како Реал Мадрид или Атлетико не можат да играат на првиот ден од Ла Лига“, вели Тебас.
